समाजातील पत्रकार हा घटक 1960 – 70 च्या दशकापर्यंत आर्थिकदृष्ट्या अतिशय कमकुवत होता. मात्र त्यांना समाजात प्रतिष्ठा होती. कितीतरी वर्तमानपत्रे, मासिके, इतर नियतकालिके अगदी सुरुवातीच्या काळापासून पुण्यात प्रकाशित होत होती. निर्भीड पत्रकारिता करणारे अनेक जाणकार पत्रकार तिथे कार्यरत होते.

या पत्रकारांना एकत्र आणावे, त्यांच्यासाठी त्यांच्या हक्काचे संकुल उभारावे, या उद्देशाने 23 ऑक्टोबर 1966 रोजी नियोजित पत्रकार सहकारी गृहरचना संस्थेची स्थापना झाली.